АЛЕЙ САЛАТНЫ З НАСЕННЕМ КРОПУ І КАЛЯНДРЫ
-алей раслінны - 500 г
-кроп (насенне) - 20 г
-каляндра (насенне) - 20 г
-бацвінне маркоўнае сушонае - 10 г
-перац салодкі сушоны - 10 г
-цукар пясок - 1 ст. лыжка
-воцат фруктовы - 100 г
Семена кропу і каляндры размалоць, заліць алеем, вытрымаць 1 тыдзень і працадзіць алей праз тканіну. Маркоўнае бацвінне і салодкі перац расцерці ў парашок, прасеяць скрозь сіта, заліць фруктовым воцатам і дадаць цукровы пясок. Вытрымаўшы 4 гадзіны, усё злучыць з працэджаным алеем, заліць у бутэльку і ўзбоўтаць.
Беларускія\ прыказкі і прымаўкі.
• На Бога надзейся, алі й сам старайся. — Прыказваюць гультаю, які наракае на Бога за сваю беднасьць.
• На бок грыбок - баравік едзя. — Жартуюць, калі ганарысты чалавек праходзе.
• Набраўся, як жаба гразі. — Гавораць на таго, хто сілу страціў ад гарэлкі ды ў бруд укачаўся.
• Набрахала на свой хвост. — Калі нехта праз свой язык сябе выдасьць. Паходзе з казкі аб лісіцы, калі яна брахала на свой хвост ды наклікала на сябе сабак.
• На воўка памоўка, а мядзьведзь ціха вядзець. — Калі воўк нападзе на статак, дык пастушкі крычаць ды гоняцца за ім. Каровы ці коні ціснуцца тады ў кучу, адбіваюцца, бароняцца. Калі-ж нападае мядзьведзь, дык пастушкі ўцякаюць ды хаваюцца, а коні ці каровы разьбягаюцца ў розныя бакі. Мядзьведзь тады бярз сваю ахвяру й спакойна нясе яе ў лес. Прыказваюць да гэтага, што калі невялікі злачынца пакрыўдзе людзей, абкрадае ці паб'е, дык яго лаюць ды прыцягваюць да судовай адказнасьці. Калі-ж вялікі злачынец абрабуе міліёны да апошняга куска хлеба ды таксама міліёны нявінных закатуе на сьмерць, дык здавалася-б, што паважныя людзі будуць ставіцца з агідай да гэткага ліхадзея. Яны-ж, тымчасам, паціскаюць яму акрываўленыя рукі, высьцілаюць дарагімі кілімамі сьцежку ды прыймаюць, як роўнага сабе гасьця.
• Навучыўся на пень брахаць. — Кажуць, калі пачуюць, як нейкі падлетак навучыцца брыдотныя словы гаварыць.
• На галодны зуб добра й гэта. — Калі беднаму нейкі, хоць і несамавіты дабытак дастанецца. Паходзе ад казкі аб лісіцы, што гэтак казала, калі знайшла жука.
• Нагамі накрыцца. — Калі моцна піргнуць чалавека назад, дык пры паданьні ягоныя ногі зь імпэту лягуць на жывот. Прыказваюць, калі пагражаюць, што піргнуць. «Калі піргну, дык ты аж нагамі накрыешея».
• На гнеў ня рублін хлеў. — Жартуюць зь дзяцей, калі яны гневаюцца ды есьці ня ідуць.
• На год, шмат прыгод, а на вяку, німа ліку. — Прыгоды ў жыцьці - натуральная зьява, дык імі ня варта пераймацца.
• Нагрэтага куточка шкода пакідаць. — Прыказвае той, хто на адным месцы абжыўся, а яму суляць пераяжджаць на іншае месца.