АЛЕЙ ПА-ТАЙСКУ.
На 500 мл:
-3 палачкі цытрынавага сорга, пакамячанага нажом
-3 свежых чылі, пратыкнутых спіцай
-1 неабчышчаны зубчык часныку
-3 галінкі каляндры
-500 мл арэхавага алею
Злучыць цытрынавае сорга, чылі, часнык і каляндру ў чыстую прыгожую бутэльку. Заліць алеем і шчыльна закаркаваць. Узбоўтаць і пакінуць настаяцца на 2 тыдні у цёмным прахалодным месцы. Выцягнуць часнык (яго можна злавіць доўгім відэльцам), зноў закаркаваць і захоўваць да 6 месяцаў у цёмным прахалодным месцы. На такім алеі добра смажыць гародніну і мяса.
Беларускія\ прыказкі і прымаўкі.
• Ласка ні каляска - сеўшы ні паедзіш. — Гэтак высьмейваюць таго, хто некаму дагаджае толькі за ласку.
• Лата на лаця - пасунься паня браця. — Беднага ў латанай вопратцы чалавека й родны брат просіць адсунуцца да парога.
• Лахі пад пахі. — Прыказваюць на валачашчага чалавека або на таго, каго праганяюць з дому, ці хто самавольна пакідае дом.
• Ледзь за вочы ні ўхапіў. — Прыказваюць, калі нехта пры спатканьні раптам пачынае лаяць.
• Лезя, як вош на струп. — Калі нехта лезе, хоць у нячыстае, але прыбытковае месца.
• Лезя, як жаба на купіну. — Прыказваюць, калі непаважны чалавек імкнецца ў кампанію паважнейшых.
• Лезя, як муха ў смалу. — Калі неразважлівы лезе туды, дзе можа быць яму пагібель.
• Лепі ашукацца на грашах, як на куплінай рэчы. — Лепей за добрую рэч пераплаціць, чымся купіць танную, але дрэнную рэч. Прыказвае той, хто купіў нешта мо'й танна, але, як аказалася, малавартаснае.
• Лепі даваць, як прасіць. — Прыказвае гаспадыня, калі на яе сварацца, што яна заміж старца, надарыла гультая.
• Лепі доўгі голад, як кароткі. — Лепш даўжэй недаядаць, чымся дапусьціцца да таго, каб зусім ня было чаго есьці. Прыказваюць бедныя, ашчадныя гаспадары, калі іхныя дзеці крыўдзяцца, што харчаваньне недастатковае.
• Лепі з добрым згубіць, як з благім знайсьці. — Прыказвае той, хто з благім чалавекам ня мог нейкага дабытку падзяліць.
• Лепі з разумным згубіць, як з дурным знайсьці. — Калі з разумным згубіш, дык ён нікому ня скажа й людзі ня будуць сьмяяцца. Калі-ж з дурнем знойдзеш, дык ён адразу пахваліцца, і знойдзеную рэч адбяруць.
• Лепі лічыць свае вошы, як чужыя грошы. — Прыказвае сумленны чалавек, бо лепей жыць бедна, але незалежна, чымся лічыць чужыя грошы, пралічыцца ды сесьці ў вязьніцу.