АЛЕЙ З БАРАВІКАМІ.
- 30 г сухіх баравікоў,
-2 г. лыжкі буйнай марской солі,
-2 г. лыжкі ядлаўцовых ягад,
-1 л рапсавага алею.
Грыбы, марскую соль і ядлаўцовыя ягады пакласці ў бутлю. Заліць рапсавым алеем і закаркаваць. Паставіць на 3 тыдні ў цёмнае месца.
Беларускія\ прыказкі і прымаўкі.
• Еж, пакуль запяеш. — Жарт пры запрашаньні гасьцей да яды.
• Еж, хоць пуп расьпіражы. — Прыказваюць, калі маюць вялікі запас ежы.
• Есьць, як іржа зялеза. — Наракае той, каго нявіннага й бязупынку лаюць, зьневажаюць і над ім зьдзекуюцца.
• Есьць, як ні сваімі зубамі. — Гэтак кажуць на таго, хто марудна есьць.
• Есьця, ды ў вочы ня лезьця. — Гэтак гаспадыня перапрашае, падаючы яду, каб ня высьмейвалі, што страва ня добрая.
• Ён і з вады сухім вылязя. — Кажуць аб хітрым прайдзісьвеце.
• Ён каб прымеў, дык-бы мяне ў лыжцы вады ўтапіў. — Прыказваюць аб помсным чалавеку.
• Ён хацеў зваліцца зь печы ды ні пабіць плечы. — Гаворыцца аб тым, хто хацеў выкінуць нейкую небясьпечную штуку ды ня мець ніякое шкоды.
• Ён хоча ў дзьве солі мачаць. — Прыказваюць аб тым, хто намагаецца дагадзіць дзьвюм, варожым сабе, асобам, або грамадам.
• Ёсьць што гукаць, ды нечага слухаць. — Гаворыцца аб тым, хто шмат гавора, але ягоная гутарка пустая й недарэчная.
• Жаль увагі ні мая. — Прыказвае той, каго крыўда вывела зь цярпеньня.
• Жаніся, каб дурні ні зьвяліся. — Прыказваюць таму, каго хочуць упікнуць у ягонай дурноце.
• Жартаваць можна, алі ні калечыць. — Калі жарты даходзяць да сваркі, а навет і да бойкі.
• Жваваму каню пугі ні паказвай. — Аб тым, што добрага работніка ня трэба падганяць да працы.
• Жонка - мужыкова пячонка. — Якая-б жонка ні трапілася, але зь ёй трэба век дажываць.
• Жонка рассыпалася. — Кажуць заміж: жонка абрадзілася.
• Журавы ў вырай полудзінь панясьлі. — Прыказваюць сяляне, калі бачаць, што журавы лятуць у вырай, бо тады дзень ужо малы й даволі есьці два разы на дзень.
• Жураў зь цяплом, а ластаўка зь лістом. — Сялянская заўвага аб часе прылёту з выраю журава й ластаўкі.
• Жыве з плеч ды ў печ. — Калі нехта жыве толькі сяньняшнім днём. Калі апошняя сарочка падралася, дык ён кідае яе ў печ і толькі тады думае аб другой.
• Жыве прыпіваючы. — Прыказваюць, калі чалавек жыве ў шчасьці.
• Жыве, як сыр у масьля купаіцца. — Прыказваюць, калі чалавек жыве ў вялікай выгодзе.
• Жывём як брацьця, а рахуімся як жыды. — Прыказваецца аб тых, якія жывуць міжсобку дружна ды за паслугі адзін аднаму аплачваюць, каб нікому ня было крыўдна.
• Жывём, як гарох пры дарозя - хто йдзе, той і скубе. — Прыказвае той, каго з усіх бакоў крыўдзяць.
• Жыві проста - пражывеш лет до ста. — Жыві памяркоўна, дык доўга пражывеш.
• Жывот аж трашчыць, а глытаўка яшчэ-б ела. — Жартуюць госьці, калі пад'елі, а на стале застаецца яшчэ шмат смачной ежы.
• Жывоя кепства. — Прыказвае той, каго ўвачавідкі ашукваюць.
• Жывы-ж у зямлю ні палезіш. — Прыказвае той, каму блага жывецца, але й ня ўміраецца.
• Жывы жывоя й думая. — Пакуль чалавек жывы - хоць можа й стары - але думае далейшай рабоце й аб сродках на жыцьцё.
• Жытні колас вядзе голас. — Калі нехта пад'еў жытняга хлеба, дык яму й песьні на вуме, а ад жыдкой заціркі ці мяцьва не пяецца.
• Жыць то весіла, ды есьці нечага. — Прыказваюць бедныя мяшчане, або сяляне, якія трапілі на жыцьцё ў места.
• За аднаго бітага (вучонага) двух нябітых даюць дый то ні бяруць. — Прыказваюць гэтак, каб надаць павагі й пашаны адукаванаму чалавеку.
• Забірай манаткі ды йдзі вон з хаткі. — Кажуць непажаданаму кутніку.