АЛЕЙ З БАЗІЛІКАМ.
1 варыянт.
-1 пучок базіліка,
-500 мл аліўкавага алею.
Лісце базіліка вымыць і абсушыць так, каб не было кропелек вады, пакласці ў бутлю і заліць аліўкавым алеем. Бутэлькі закаркаваць і паставіць на 14 дзён у цёмнае сухое месца.
2 варыянт.
-3 пучка базіліка (абарваных лісцікаў 100 г),Базілік апаласнуць
-1 г. лыжка солі,
-250 мл аліўкавага алею.
, добра абсушыць, абарваць лісцікі, пасячы і разам з соллю пакласці ў бутлю. Заліць аліўкавым алеем. Закаркаваць і паставіць у халоднае месца.
3 варыянт.
-1 л аліўкавага алею,
-150 г базіліка.
Аліўкавы алей выліць у чысты рондаль і падагрэць да 40 градусаў. Базілік падушыць і пакласці ў цёплыя сухія стэрыльныя слоікі. Заліць цёплым аліўкавым алеем і добра закаркаваць. Паставіць настойвацца 3-4 тыдні.
Беларускія\ прыказкі і прымаўкі.
• Дзякуй! - Выбачай! - Алі болі ні дакучай! — Прыказваюць, калі частуюць няпрошаных, ці нямілых гасьцей. Госьць дзякуе за пачостку, гаспадар для ветлівасьці перапрашае «Выбачай!», але ў думках дадае: «Алі болі ні дакучай!».
• Дзякуй за абед, што наеўся дармаед. — Жартам прыказвае гэтак госьць, калі дзякуе гаспадару за абед.
• Дзякуй за полудзінь: ні сыт, ні голадзін. — Гэтак, жартуючы, прыказвае гаспадар, калі госьць дзякуе за пачостку, а разам і перапрашае, што скромна частаваў.
• Дзякуям ні адбыць - трэба заплаціць. — 1. Прыказвае госьць і гэтым нібы запрашае гаспадароў даведацца да яго на пачостку. 2. Гэтак прыказвае гаспадар публічнага харчаваньня, калі знаёмы наведальнік хоча адбыць самым «дзякуям» за абед.
• Дзяржы галаву ў холадзя, бруха ў голадзя, а ногі ў цяпле. — Напамін пра клопаты аб здароўі.
• Дзяры лазу, калі дзярэцца. — Работу трэба рабіць тады, калі на яе адпаведны час.
• Дзяры лазу - я цябе зьвяжу. — Калі дэспатычны загад мае яўную мэту горш яшчэ паняволіць яго выканаўцаў. Гэта тое самае, што й каваць для самога сябе кайданы.
• Дзярэцца - на новая спадзяецца. — Калі адзежына пачынае дзерціся, дык гэта знак, што трэба парупіцца пра новую.
• Дзяціны хлеб горак. — Прыказваюць старыя бацькі, якіх часам крыўдзяць іхныя дзеці.
• Добраму чалавечку добра й у запечку, а благой благаце брыдка й на куце. — Заслужаны й паважаны чалавек свае павагі й славы ня траце й на другарадным месцы.
• Добра той казаў. — Прымаўка, якую часта ўжываюць перад удалым выказам ці прыказкай.
• Добра ў людзях, алі цяжка ў грудзях. — 1. Аб тым, што хоць і добра часам жыць у чужым краі між чужых людзей у выгодзе, але ў грудзях баліць з нуды па родным краі. 2. Прыказваюць гэтак, калі на заработках добра зарабляецца, але ад цяжкой працы баляць грудзі. 3. Гэтак прыказвае нявестка, калі пайшла замуж у добрую хату, але ей там цяжка жыць, бо трэба кажнаму дагаджаць і за крыўду змаўчаць.
• Добрая далёка чуваць, а благоя яшчэ далей. — Напамінак маладым, каб яны ўстрымліваліся ад благіх паводзінаў і шанавалі сваю добрую славу.
• Добрая знаходка тапор за лавай. — Калі нехта хваліцца, што знайшоў рэч, якую гаспадар паклаў на сваім месцы.
• Добрая слава дома ляжыць, а благая далёка бяжыць. — Слава пра добрыя паводзіны гэтак далёка не разыходзіцца, як пра паводзіны благія.
• Дурня й у царкве б'юць. — Аб тым, што дурнога й у паважным месцы не шануюць.