ЦЫТРЫНАВАЯ ЭСЭНЦЫЯ
-цытрына - 12 шт
-вада цёплая - 2 л Ўзяць
12 цытрын, нарэзаць іх разам з лупінай і пакласці ў чысты посуд. Заліць 2 л цёплай вады, паставіць на 1 суткі на печ ці ў іншае цёплае месца, перагнаць у колбе. Атрыманую вадкасць пераліць у бутэльку. Эсэнцыя сабярэцца на паверхні вадкасці. Тады, зачыніўшы горлачка бутэлькі вялікім пальцам, перавярнуць яе дагары нагамі. Калі эсэнцыя зноў збярэцца на паверхні вады, асцярожна зліць ваду. У бутэльцы павінна застацца толькі эсэнцыя.
ЗАМОВА АД ВОТНАЧЫ
Першым разам, лепшым часам Госпаду Богу памалюся. Прашу Госпада Бога, святога Ісуса Хрыста, прашу ўсіх: і старых, і малых хлеб-соль прымайце, (імя) здароўем надзяляйце да і сном насылайце, а вам – рай святы.
Пераказаць тры разы.
Запісана ў в. Парэчча ад Гламбоцкай Ніны Аляксандраўны, 1934 г.н. Крыніца: http://docs.exdat.com/docs/index-260596.html?page=2#8466231
ЗАМОВА АД ГРЫЖЫ
Палажыць побач з сабою сучок, глядзець на яго і гаварыць: – Грыжа, грыжа, грызёш мяне раз, а я цябе – два, грызёш мяне два, то я цябе – тры, грызёш мяне тры, то я цябе – чатыры, ты мяне – шэсць, я цябе – сем, ты мяне – сем, то я цябе саўсем.
Пасля гэтага трэба грызнуць грыжу і плюнуць на сучок. Слюну з сучка мезінцам узяць і мазаць кругом грыжы, гаворачы: – Як сучок нямой, штоб і грыжа мая навекі занямела.
Крыніца: http://docs.exdat.com/docs/index-260596.html?page=3
ЗАКЛІК ДА ДАМАВІКА ПРЫ ЎВОДЗЕ БЫДЛА Ў СТОЙЛА
Калі прыводзяць набытае быдла ў хлеў, тады ўжываюць наступны заклік да дамавіка:
"Дзедушка, атаманушка, палюбі майго чарнеюшку ці пяструюшку [гладзячы па поўсці], паі, кармі сыта, гладзь гладка, сам не шуці і жаной не спушчай, і дзяцей уклікай".