МЯТНЫ АЛІЎКАВЫ АЛЕЙ
Вымыйце добранька 4 галінкі мяты і трохі тонкай зялёнай цыбулі, укладзіце ў бутэльку з аліўкавым алеем. Дадайце туды па 2 раздробленыя гарошыны чорнага і зялёнага перцу. Пакіньце ўсё на 30 дзён у герметычна зачыненай бутэльцы (перыядычна падтрасаючы), пасля чаго прафільтруйце алей праз льняную тканіну, наліце ў іншую бутлю і зачыніце коркам. Выкарыстоўваюць для запраўкі салат са свежай гародніны.
Беларускія\ прыказкі і прымаўкі.
• Ні шукай мора, бо ў лужыня ўтопішся. — Ня ідзі на вялікую рызыку, бо й з малой загінеш.
• Новая мітла току ні дзярэ. — Калі прыедзе новы ўрадовец на ўрадавую працу, дык спачатку ён не бярэ шмат магарыча.
• Новая ня порыцца, а добрая ні валочыцца. — Прыказваюць, калі нехта стане хваліць таго чалавека, які бадзяецца па сьвеце, ды стане радзіць узяць яго на работу ці сватае ў прымы.
• Новая сіцца на калочку вісіцца, а староя пад лаўкай валяіцца. — Новы чалавек у сям'і ці грамадзе заўсёды ў пашане, а стары часта не шануецца ці й пакінены дажывае веку.