АРАМАТЫЗАВАНЫ АЛІЎКАВЫ АЛЕЙ
-алей аліўкавы - 300 мл
-перац (востры струкавы, свежы ці сухі не здробнены) - 5 шт
-часнык - 10 зуб.
-спецыі (травы свежыя ці сухія, але суцэльныя, па густу лаўровы ліст, кмен, размарын, шалвея)
Калі нашы прыправы свежыя, то мыем іх, чысцім зубчыкі часныку і сушым на ручнічку. Калі перац свежы, таксама мыем і наразаем кольцамі, даём высахнуць, а калі ўжо сушоны, то прама так кідаем (але яго трэба пабольш). У чысты сухі слоік ўкладваем нашу траву, перац і часнык, заліваем аліўкавым алеем. Даём настаяцца 10 дзён. Чым даўжэй стаіць, тым больш насычаным будзе водар алею. Можна выкарыстоўваць і для салаты, і ў мяса, і піцу паліваць!
Беларускія\ прыказкі і прымаўкі.
• Ні май хворага за памёрлага, а палага за прапалага. — Як хворы можа паправіцца, гэтак падупалы на маемасьці можа разжыцца, а падупалы на благіх налогах можа іх пазбыцца.
• Ні май чалавека за поўчалавека. — Прыказваюць таму, хто паніжае ў чалавеку людзкую годнасьць.
• Ні маніся ды Богу маліся. — Заўважаюць таму, хто занадта самапэўны ў сваіх будучых удачах.
• Німа патрэбы здаровага лячыць, а разумнага вучыць. — Кажуць да тых, што бяруцца вучыць разумнейшых за сябе.
• Німа тэй крамкі, дзе-б прадаваліся родныя мамкі. — Роднае маці нідзе ня знойдзеш і ня купіш за грошы.
• Німа тэй хаткі, каб ні было звадкі. — Звадка як-бы натуральная зьява ў сям'і, хоць яе й ня выносяць навонкі.