АРАМАТЫЗАВАНЫ АЛЕЙ
-900 мл аліўкавага алею "экстра вірджын"
-2-3 буйныя галінкі сушонай рэзкай зеляніны (цім’ян ці арэгано)
-1-2 сушоных вострых перчыка чылі
-1 г. л. гарчычнага насення, духмянага,
-1 г. л. чорнага перцу гарошкам
Стэрылізуйце літровую бутэльку. Гарчычнае насенне і гарошыны перцу пакладзіце паміж двума пластамі плёнкі і трошкі раздушыце качалкай. Усыпце у бутэльку. Пакладзіце туды ж вострыя перчыкі. Уліце у бутэльку алей і злёгку патрасіце яе. Рэзкую зеляніну злёгку разамніце паміж пальцамі - але вельмі асцярожна, каб не пашкодзіць сцябло і лісточкі. Трымаючы галінкі за верхні канец, акуратна апусціце зеляніну ў бутэльку. Запячатайце бутэльку і пастаўце ў прахалоднае цёмнае месца настойвацца. У прынцыпе алей будзе гатовы праз тыдзень, але чым даўжэй ён стаіць (да 1 года), тым больш духмяным становіцца. Калі вы не любіце занадта востры алей, выміце перчыкі праз пару тыдняў.
