ЖУРАВІНАВАЕ ЧАТНІ
- карыца (7.5 см) - 1 палачка
- зялёныя струкі кардамону - 3-4 шт.
- гваздзіка - 1 г. л.
- зялёны востры перац (струк) - 1 шт.
- палоска апельсінавай цэдры даўж. 7,5 см
- вінаградны сок ці вада - 375 мл
- карычневы ці фруктовы цукар – 125 г
- фінікі (без костачак) – 80 г
- журавіны – 450 г.
Паколькі журавіны добра захоўваюцца ў марожаным выглядзе, узімку гэты чатні можна прыгатаваць з марожаных ягад. Вазьміце кавалачак марлі, складзіце ў яе карыцу, кардамон, гваздзічку, зялёны востры перац і апельсінавую цэдру і звяжыце вузлом. Hаліце ў 2-х літровы нізкі рондаль з патоўшчаным дном сок ці ваду, пакладзіце цукар, фінікі і апусціце вузельчык са спецыямі. пастаўце на сярэдні агонь і варыце, памешваючы, пакуль цукар не растворыцца. Адрэгулюйце агонь да слабага, і хай кіпіць паўгадзіны. Выміце вузельчык са спецыямі і выцісніце духмяны экстракт. Пакладзіце журавіны, размяшайце і варыце 7 - 10 хвілін, пакуль ягады не зварацца і сумесь не згусне. Падавайце журавінавы соус пакаёвай тэмпературы ці захоўвайце зачыненым у халадзільніку не больш тыдня.