АПЕЛЬСІНАВЫ ЦІ ЦЫТРЫНАВЫ ВОЦАТ
На 1 л воцату - лупіна з адной цытрыны ці апельсіна. Прамываюць сушоную лупіну апельсіна ці цытрыны, змяшчаюць у літровы слоік і напаўняюць яе воцатам, накрыўшы зверху вечкам. Настойваюць шэсць-восем дзён у цёплым памяшканні. Воцат зменіць колер на жаўтлявы, густ - на духмяны. Адфільтраваўшы, захоўваюць у цёмным, прахалодным месцы і выкарыстоўваюць для фруктова-гароднінных салатаў, марынадаў, мясных страў і запраў.